Bor bo'lsin

Qiz bor uyning fayzi bo‘lak deydilar
Jannat yo‘li qiz bor yo‘lak deydilar
O‘n gulimda o‘g‘lim yo‘q deb o‘ksimang
Tog‘ bo‘lmasa qir ham tirgak deydilar

Qiz yo‘q yurtga ko‘klamlar sep to‘sharmi?
Kelini yo‘q to‘ylar to‘yga o‘xsharmi?
Qizlar bor-ki o‘lka omon qo‘rg‘ondir
Qiz kutmasa yigit olov kecharmi?
Qiz kutmasa yigit olov kecharmi?

Elning baxti botirlarga yor bo‘lsin
Jonlar ilhaq, ilinjlar tumor bo‘lsin
Ota uyda har kuni bahor bo‘lsin
Ma'sumalar, Malikalar bor bo‘lsin

Qizi yo‘qning oysiz xomush osmoni
Qizi borning qasrdir xonadoni
Shu mungrug‘-u shu mushtipar parvonang
Yigit yo‘lning qiz ko‘ngilning sultoni

Ey Muhammad olti og‘a-ining bor
Birda yaxshi birda yomon kuning bor
Bir kun boshing botar bo‘lsa bolishga
Qizlaringdan yaqin yana kiming bor?
Qizlaringdan yaqin yana kiming bor?

Elning baxti botirlarga yor bo‘lsin
Jonlar ilhaq, ilinjlar tumor bo‘lsin
Sovchilari eshigida zor bo‘lsin
Ma'sumalar, Malikalar bor bo‘lsin
Muslimalar, Solihalar bor bo‘lsin
Fotimalar, Hadichalar bor bo‘lsin

Зур гап йук ??????

отличное все